清潤清甜新鮮椰果湯

最鍾意煲湯/煲養生水都落「新鮮椰果」，清潤清甜，又有咬口！

我呢個湯養生養顏，味道非常濃郁，食材配搭豐富；有時會落埋新鮮雞煲，就係大廚級般頂級滋味！

煲湯材料組合：

椰子、椰果、馬蹄、紅蘿蔔、粟米、蜜棗、白鰂魚、豬肉

1）豬肉汆水洗乾淨。

2）白鯽魚去內臟，洗淨吸乾水，用油爆香薑片煎兩邊至七成熟，放入魚袋。

3）全部材料洗乾淨切件，凍水齊落，煲兩小時。（大火滾起半小時>轉中細火）

窩心建議：想更滋味濃郁和補身提氣，可以配搭新鮮雞+豬肉