養生魚湯粥

化妝師Soie：「食完好似即刻健康咗，人都精神啲！」Vivian：「如果每日都有得食就更幸福！」

大家經常問我：「魚湯太好味，點整？」又點樣變奏呢個粥？

「👩🏻‍🍳🥣魚湯鮮蝦香蔥粥 by Yoko」（亦可以用豬肉碎或牛肉碎代替鮮蝦）

高纖飽肚低熱量：16穀+紅糙米+三色藜麥+極少白米

高蛋白質強化肌肉：新鮮蝦

好熱量燃燒脂肪：自家熬製無鹽魚湯

瘦身tips：+西芹切粒

*望落去有冇嚇親大家？我嘅食量真係好驚人😂，只要食得聰明都可以好滿足㗎！

呢度一大湯碗，其實係魚湯同蝦多，我鍾意少穀物，偏愛水感湯粥。

「👩🏻‍🍳🥣魚湯鮮蝦香蔥粥 by Yoko」烹調步驟

•我的簡便煮粥方法及因為有時食剩飯，所以煲粥常用已煮好的飯(我的飯是16穀+紅糙米+藜麥+極少白米+有時加埋小米）

1)將濃縮魚湯加起（因為要滾半個鐘，所以建議加入熱水，否則湯好快冇晒），同步放入已煮好的飯，滾半小時開花（如果喜歡潮州粥，就可以只需要滾20分鐘）。

2)加入開邊蝦或全隻蝦，開邊蝦只需滾2分鐘。

3)倒入薑絲蔥花即成

［我炮製魚湯方法👩🏻‍🍳請參考：］

魚湯材料可選擇：

紅衫魚（好味道但而家貴）

大魚尾（經濟抵食）

雜斑亦可

視乎味道淡味或濃味喜好，我就至愛紅衫魚的鮮甜濃魚味，分量約十幾條，先至夠濃郁。

以煲成一支1.5公升分量而言。

烹調步驟：

1) 首先，劏好去掉內臟並洗亁淨魚身，加輕微份量鹽醃，放筲箕內滴乾水份。

2) 跟隨切數塊薑片，重點是用刀身拍扁，之後使用時才會出味，這就是用作辟除魚腥味的靈魂。然後燒紅鐵鑊，放入食油，並將薑片放入鍋內爆香，用大火然後轉中火。

3) 以抹手紙索亁魚身水份，目的是避免油濺，才放魚入鑊內，以中火煎香兩邊魚身至金黃色。

4) 最後乃最重要，令魚湯色澤奶白，就是加入大滾水落鑊內（秘訣正是熱水撞煎魚）

5)份量是1-5公升的三樽水量，以大火煲十分鐘後再轉中火，鑊蓋半掩，煑剩約1-5公升水量為止，便可熄火。

6) 煮妥後，可用隔渣斗分隔魚渣，隔取魚湯以配合各類食材食用。

煮好後當日飲用外，其他放涼 然後倒入密實盒放入雪櫃冷藏，可以儲存三天。