炸斑塊及炸九肚魚Tips

自家炸斑塊及炸九肚魚的秘密，同大家分享：其實我試過炸魚多次，終於搵到最好又最簡單的方法，是在超級市場買「萬能香炸粉」，跟足盒背的調配方法就可以在家做到完美炸漿。

請大家記住，秘訣是一定要用「夠凍」的冰水開炸粉，即是接近零度的冰水，絕不要暖水、不要室溫水。

先加冰水開粉，全程用同一個方向攪伴（否則炸漿會好濃稠炸得唔夠鬆脆），最後臨開炸前才落油。

如你需要炸的份量較多，只需按盒上的比例增多。

而我認為，去術市買到新鮮靚斑塊或九肚魚，更是自家製非常好味的關鍵。

揀斑塊貼士：一要定買原件斑件，一般較大型的街市海鮮檔都有，不要買預先切成一塊塊的，通常都不夠新鮮。原件大腩位，海鮮檔會幫你起鱗，然後返屋企自己切件，印乾，再用少少鹽醃一醃調味，就可醮炸漿油炸。

揀九肚魚貼士：最緊要實淨，唔好軟淋淋，完整一條就最好，街市檔會幫劏內臟。買回家後，清洗後印乾，再用少少鹽醃一醃調味，就可醮炸漿油炸。

是否需要切件就係個人喜好，我較喜歡原條炸，因為食肆一般都會切件，自家製可特別少少。

油溫控制：不論電磁爐或明火爐，都要用猛火，油的份量足夠蓋過食物就可以，唔夠猛火就會炸得不夠火喉。用這些炸粉調炸漿的好處是，炸到變金黃色就完成，唔需要太緊張時間。以我為例，炸一件試吓先，就已經掌握到最佳技巧。

分開幾件炸，唔好一大堆頭；炸完之後，健康一點可用吸油紙索油。

想再惹味D，再額外灑些味椒鹽，而我以健康為上，都係少落為妙！v