涼粉食法隱藏版

一口透心涼天氣咁熱食咩好？

平平無奇西瓜涼粉 一秒大變身 全靠加入了......

先旨聲明，我真係好少食凍嘢、太寒涼嘅嘢，之不過，呢兩晚，飯後大解放，自製透心涼甜品，我先生鍾意到飛起！

保證材料易買到，做法非常簡單，可以話係小朋友都識整

西瓜涼粉～買個西瓜加一磚涼粉…..

仲有一個重點，可能係我首創，加幾匙現成食材，立即將西瓜涼粉味道昇華至另一個層次，兼有潤喉療效，我全家人食後都大贊、同事們聽到都話好想試好吸引，真係太簡單太神奇太好味！

西瓜涼粉一秒變超級養生好味，秘訣就係加入日本柚子蜜！

我加柚子蜜去配涼粉，家人大贊味道真係非常好，同事們聽到都話好特別好建議。

西瓜切粒 + 涼粉切粒 + 日本柚子蜜

呢個組合天然又健康

自由搭配份量 隨你心水炮製

柚子蜜同涼粉意外地夾

記住：涼粉放底 > 再鋪少少柚子蜜 > 最後放西瓜粒，完美！

日本柚子蜜，有好多牌子，我覺得好味的是在Donki就買得到，我知道呢款牌子在日本大型茶店都係用佢；西瓜就買8424（要買到真貨），一定又甜又爽又好味；涼粉切大粒有口感，切細粒食得爽，我專誠去北角室內街市買的。