我的輕怡健康茶點-蘋果粟米仔水

煲呢啲養生茶，有冇人好似我咁鍾意食埋配料？

想食又想減推薦粟米仔又名「珍珠筍」

高膳食纖維，好處飽肚又通便便；仲含有蛋白質添，增加肌肉！

［Yoko健康營養水］

建議一次過煲多啲，放涼之後擺入雪櫃（可以冷藏三天），隨時翻熱飲用。

［🥃蘋果粟米仔水•七款材料］

蘋果（蛇果） 紅蘿蔔 馬蹄 粟米仔 粟米鬚 麥冬 蜜棗

［功效］潤喉潤肺養顏、舒緩喉嚨乾燥

小朋友大人都啱飲！

［步驟］

1）蘋果去皮切件去核。

2）紅蘿蔔去皮切件。

3）馬蹄清洗去泥，削走頂底和拍扁。

4）粟米鬚清洗。

5）將以上全部材料+麥冬和蜜棗，放入凍水中蓋上煲1.5小時。（火候非常重要：大火煲半小時，之後轉中火煲1小時）