好味版祛濕茶

想身體健康、皮膚漂亮，內在調理都好緊要

袪濕茶，實情味道一定係寡淡，所以坊間好多加了精製糖，但會惹痰致肥唔健康。

想健康又好味，自己煲健康在手中，淨係用中藥材店的袪濕茶包材料唔夠㗎，仲要加其他食材提升真甜味和營養價值。

祛濕茶「祛濕都要兼顧健脾養胃」

療效：濕毒消除，改善體內循環，去水腫輕盈舒適，減少疲倦煥發精神，減少出痘痘，免疫力也更好啊！

中藥材店買袪濕茶材料

所有材料已經包好一袋

4人份量買小包 大約$25； 5-8人買大包 大約$50

一般煲祛濕茶，只會加糖冬瓜或蜜棗

我覺得味道唔夠好，想小朋友都喜歡飲

我會加埋以下材料，令到養潤營養價值更高，味道也更清甜

材料：冬瓜、紅蘿蔔、粟米、天山雪蓮果、糖冬瓜、祛濕茶材料（中藥材店買到現成pack成一包的）

步驟：

1）清洗祛濕茶材料，然後浸15分鐘，再過水清洗一次。

2）全部材料清洗切好。

3）凍水齊下，煲1.5小時。

窩心提示：煲多一點，放涼後可以儲存在雪櫃飲用三天。（隨時翻熱飲用）