top of page

面霜愈潤愈好?

Ys Recipes

讀畢需時 2 分鐘

5月 9

9

0


好多人嘅誤解:


1. 你揀面霜的準則:係咪一定要好潤好rich?唔夠厚潤的面霜一律評為唔好!呢個係咪你心中把尺?


2. 我亦聽過好多讀者同我講:面霜唔夠豐潤呢,係幫唔到保濕亦鎖唔到水!


3. 如果你的護膚程序,仲停留在面霜要咁潤得咁潤,最好只係貴婦品牌,「L」嘜、「V」嘜、韓國「前」呢類,真係適合香港潮濕天氣?又適合你混合性/油性肌膚?


4. 接連發生起疑對答…..對話中,讀者自己都認同-成日出暗粒!係喎,唔明搽極皮膚都乾得嚟仲好油!


5. 其實香港的特殊天氣,我分析過好多次,需要有一套專為香港氣候而設,兼可一年四季都適用的保養品,不用轉來轉去,人人容易明白又方便。


6. 事實上,大部份用家都被傳統框框困住,認為黐𥹉𥹉的保養品才有效,而我出心出力,一直反其道而行,打破傳統大家固有思想,真係要用好多心血……我由始至終欽點「水狀」質地,先係最高境界。


7. 算一算我研發過的,仙氣水和4GF原液,都是水狀,超級輕盈,都曾經被質疑,到最後榮升有口皆碑的超級好物;5A眼原液、大阪醫科大學YBW Shot,水潤質感搽上面瞬間滲入肌底;Magic Collagen Cream Mist的水狀噴霧面霜,過去得到的好評亦係無庸置疑。


8. 連最新踩入護髮界的超凡「髮仙水」都係水狀,因最細分子、最能吸收的,記住水形態x好成份,可以極之極之有效!


9. 我對「水」觸感護膚品/護髮品這麼有信心,因為我所遇過的世界大廠商、專家研發者,都極認同「水」狀是極高境界;惜大眾市場難以接受到「水能保養」,心理反射是「無料到」,面對投資方,一律只能放棄。


10. 之所以,我在世界各地的研發商都能得到尊重,因為大家站在同一陣線,用最幼細的份子(換來高成本)去生產,能吸就吸,沒一絲浪費,有好效果,絕對值得!


11. 全個YOKOLOGY系列,每一個Step都有原因,都有其功能,由清潔、營養打底、原液、到精華等等有序而為,去到最後的面霜;之前每個崗位都做足「水狀」滲透育肌功夫,最後屏障根本已毋須濃厚,薄薄輕盈舒適清爽的面霜,以封鎖阻隔營養流失,就已得到你所需的,既防止厚重面霜出暗粒,又符合香港潮濕天氣零負擔。


12. 保養的過程在乎智慧、勤力及了解自己所需,問心:能超越眾多貴價護膚品功效,每一位進入YOKOLOGY的讀者,一定深明此道。

Ys Recipes

讀畢需時 2 分鐘

5月 9

9

0

bottom of page