top of page

護膚對錯-祛角質

Ys Recipes

讀畢需時 2 分鐘

5月 9

2

0

「祛角質」可以令皮膚祛粗糙祛暗黃,重拾透亮光澤,並保持良好吸收能力。係,但呢方面嘅保養,有好多錯誤且不合時宜的,你又知唔知?



清潔和搽面人人都識,但護膚專業知識就唔係人人都知,以下幾點 Yoko分享 :會唔會勾起你哋嘅回憶?你有冇曾經做錯?又有冇做返啱呢?

祛角質啫喱凝膠


記得以前行連鎖店或一啲美容專櫃,都會有人叫你伸隻手出嚟,幫你喺手背用這些祛角質啫喱凝膠在捽捽捽,示範好神奇喎,似擦子膠碎屑灰灰哋色一直在皮膚推出來,佢哋聲稱係捽出死皮!其實真係冇乜實效,提大家敏感皮膚更加唔應該捽捽捽,捽得多亦都會拉鬆皮膚。


連消委會都表示「祛角質凝膠(peeling gels)祛除皮膚角質和死皮的效果較遜色,加上部分產品重要成分為酒精,經常使用可令皮膚變得乾燥」。


[學多啲知多啲]拆解係咩原理?


當凝膠在皮膚上搓揉時,凝膠所含的酒精或溶液會揮發,加上搓揉磨擦動作,凝膠所含的聚丙烯酸和陽離子表面活性劑會結合,並形成白色沉澱物,故在皮膚上會搓揉出如擦子膠碎般柔軟的白色碎屑。



粗粒子面部磨砂


磨砂係物理性祛角質嘅方法,如果粒子太粗加上不恰當的磨擦力係好傷皮膚,尤其是脆弱敏感嘅皮膚,係唔可以摩擦的,會刺激泛紅甚至致敏。


呢個年代要促進表皮健康定期更新、祛走老化角質和祛走多餘油脂,係有溫婉又高效的方法:


1)天然泥面膜主要係吸走多餘油脂,如果目的係清黑頭就未必咁幫到;留意,通常係話敷10分鐘,建議約7分鐘就可以了,否則會令皮膚太乾;而我因應自己膚質,就只會間中在鼻和下巴局部使用。


2)我常依靠的有效方法,是用高速噴射/細過毛孔6倍的水柱儀器(在Y’s Experts),沖刷帶走黑頭粉刺油脂,真正暢通毛孔乾淨;純水不含酸性,勤力做密密做令皮膚更健康更滑溜。



黑頭鼻貼


幾年前真係流行一時!講解清楚一點先,如果每個月一次就冇乜影響,但如果每星期一至兩次就係太恆常拉扯皮膚,會令表皮鬆弛;而且有一點相信大家冇留意到,就係黑頭貼如部份位置黏力太強,係會扯走健康的角質層,令表皮破損,或大家都試過直情甩皮透出粉紅嫩肉啊!


我自從發掘到有效方法連根拔起黑頭,就係瑞士黑頭鉗(家用)x 德國去黑頭儀器(Y’s Experts) x 雞蛋機療程分段式射頻(Y’s Experts),黑頭已經少咗好多,毛孔亦細咗好多,就冇再用黑頭貼N年了。

Ys Recipes

讀畢需時 2 分鐘

5月 9

2

0

bottom of page