護膚之路，屬長期作戰!

香港勁潮濕天氣，對肌膚非常大考驗。

以今日為例，大霧代表空氣懸浮粒子極高，而約20度就最適合細菌生長。

等我列舉一個皮膚程式：懸浮粒子+細菌+空氣污染物+致敏源 =攻擊皮膚

當肌膚角質層唔健康/非水油平衡 >暗粒+出瘡+黑頭+粉刺

當皮膚抵抗力稍弱 >缺水+敏感+泛紅

我強調，護膚做得好，皮膚抵抗力自然強，增加抵抗力的基本法係「保濕」，進階就再配合其他調理。

而單係「保濕」二字，做得到不等同做得好原因是「效能」，如果仍停留在潔面後「有搽面霜」「有搽精華」就叫做了「保濕」，就認真需要檢視自己的護膚知識水平了！（尋日直播，我有講解點揀有效保濕、同提醒要多多用一樣嘢）

噚晚，同大家傾偈嘅時候，我仲首次提及一套兩件「新產品」，要專業測試其效能、表現、質感、酸鹼性親膚度，特別挑選在自己身體最疲倦/皮膚自然脆弱，即係8天日本工作後返港，去使用，接連上星期天氣極寒又乾，本週潮濕微暖又污糟，「新產品」在我皮膚上每日都帶來不同的感覺和體驗，這就需要我的把關經驗，到底是否適合香港天氣和香港大部份人的肌膚使用？如何將已經極好嘅配方程式，再加我豐富經驗、專業意見去調整呢？！

而我特別俾一張我工作好攰的相大家睇，係攝於一月中在東京行完三日美容展之後，見過唔同supplier，講到氣咳，真係好忙，我個樣好攰，影響埋皮膚質素！

當時日本天氣極凍乾 + 化咗幾日妝 + 多日唔夠瞓 > 我都出少少暗粒和乾紋個嘴仲爆過流血添。我知我唔係鐵人，也有疲態的時候，但護膚的崗位，從來沒有退下來。

所以護膚之路，屬長期作戰，一旦踏上這個征途，就要緊守崗位，過程中有人得到效果卻退出，如同你每日跑步，卻突然不再跑，結果顯然易見。