top of page

糖分令皮膚差?

Ys Recipes

讀畢需時 2 分鐘

5月 9

1

0

想皮膚好,當然要多方面配合!

我一直著重內外兼備,提提大家有咩食物可免則免、可少就少!

事緣,呢幾個月突然愛上九龍區某間真材實料流心芒果布甸、港島區某間熱辣辣杏汁燉牛乳蛋白,搞到成日心思思晚飯後揸車去食。

但係內心交纏,每次食完有啲不安…..

就係美肌「頭號敵人」糖!

抗糖對身體健康好,對皮膚都有莫大好處


真人真事分享

真人真事,好朋友細佬,濕疹搞足幾年,腳抓到流膿流水,極痕癢痛楚,最終,的起心肝全年戒絕糖分,神奇感恩痊愈了,藉此分享俾大家。要留意,他連麵包/飯/水果都戒埋,仲有什麼隱藏糖分食物?大家睇埋落去……

糖對皮膚有咩壞影響?

  1. 對濕疹患者來說,糖分是誘發濕疹的「元兇」,加劇身體皮膚炎症,所以要減少進食飲用。我和中西醫談論以及大家的見證,確定糖份是誘發濕疹敏感的大毒物。

  2. 瘡出暗粒出粉刺 糖分過多 > 胰島素升 > 雄激素增 > 皮脂分泌更勁 > 毛孔粗大/炎症/暗瘡/暗粒/粉刺

  3. 皮膚鬆弛出斑出紋

醣化(體內過多糖分與蛋白質聚合產生反應)> 產生「糖化終產物」> 促黑色素合成/膠原蛋白與彈力纖維硬化易斷 > 暗沉/色斑/鬆弛/皺紋


邊啲食物係高糖陷阱?

咪以為唔食甜品、唔飲汽水、飲檸茶/奶茶走糖、少食粥粉麵飯等碳水化合物就唔會攝入過多糖分,其實唔少食物都係高糖陷阱。記住先睇營養標籤喔

-乳酪、乳酸飲、運動飲品、堅果能量棒

-果汁、水果乾、涼果

-調味醬料 - 茄汁、沙律醬、燒烤醬、味醂

-高糖水果 - 如提子、西瓜、香蕉、榴槤、芒果、龍眼

-某些即食燕麥片、粟米片穀物早餐

-滷味、香腸等加工肉類、煙燻食物

人體要靠糖分轉化成能量,一般人未至於要全戒糖;我會留Quota畀天然糖分或原型澱粉食物,至於精製糖/加工糖,就可免則免啦

Ys Recipes

讀畢需時 2 分鐘

5月 9

1

0

bottom of page