用在臉上一定要認真，那怕只是一條毛巾!

1. 今日想講一件真人真事，因為一條毛巾，將過去兩個月保養功夫半毀掉，仲要出埋事！

2. 事主係我老公，因為游水，佢是旦買咗條低質廉價毛巾，沖完涼用毛巾抹乾塊面，就開始搽保養品。

3. 呢條毛巾質地很一般，抹乾面後，殘留一堆脫落纖維黐在他臉上。

4. 佢當然無理會啲纖維，照塗仙氣水 > 4GF > 108神仙泡，仲未去到其餘步驟，發覺面上好多「擦子膠碎」。

5. YOKOLOGY的產品當然不會出「擦子膠碎」，係因為纖維被搓成小毛球，似磨砂一樣摩擦他臉，完成所有步驟後，就上床入夢。

6. 第二朝起身，面泛紅，出粒粒，典型毛囊發炎徵狀。

7. 就係該毛巾造成！首先，新毛巾未洗過就抹面，到底之前有幾多人摸過？（你身邊個位係咪都係咁？歡迎留言訴苦水）

8. 其次脫落的纖維變成小毛球再磨塊面，計下會有幾多細菌被捽入毛孔？核數師都計唔掂！

9. 最傷心是，佢早前答應我會努力加倍護膚，希望做個對比，「用塊面說故事」，結果說了另一個反面故事。

10. 個故事本來係用緊一個比較懶的「特殊保養法」即步驟少過我，但每個步驟都做兩次！方法係用韓國潔面泡潔面，再將仙氣水噴上臉，吸收後再噴多一round。

11. 繼而搽4GF，至八成乾，再搽多一次；到108神仙泡，兩泵搽全面眼加頸，兩泵搽心口加兩臂（因為游水同曬，佢話皮膚好乾好痕）；然後用Y Shot保濕精華，兩泵+兩泵面連頸；最後Collagen Cream Mist搖勻噴面加頸共8下，禮成！

12. 以上步驟由他自發起動，再經我指點而得出，重點以用量換取優勢，因為他起步稍遲，要短時間發揮效用，以量制勝！

13. 坦白講，四星期後，在沒有用齊所有步驟，和沒有敷過Paper Mask情況下，老公面部光澤度及細緻感有極大提升，毛孔亦因為有足夠保濕而飽滿pump up，視覺上有修細；他的顴骨位置一向偏乾，甚至有微絲血管爆裂情況，在得到真正保濕滲透原來都可以減少問題。（叫老公自發勤敷Paper Mask應該無可能）

14. 你問我：「太遲先保養會唔會無得救？」好老實講，無話遲唔遲，遲到好過唔到，有做保養一定會好，就係咁簡單。

15. 好了，8星期的保養功夫，因為一次毛囊炎，將功夫廢掉一半，未致於重新開始，用分數做比喻，由30分升到70分再跌番落去50分。

16. 入番正題，對於用在我臉上的東西，我都非常認真和講究，那怕只是一條毛巾、一張棉花、一個枕袋，特別是枕袋，貼住你塊面成晚，質地及衛生都非常重要！

17. 分享這個真人真事，源於有不少讀者的保養尚欠少許細心，一件小事都足以毀掉你大部份的心血。