敏感肌不可怕，最怕係反覆持續地敏感‼️

我都係過來人，好多朋友同讀者都唔信我係敏感肌底，見到我零妝容下的光澤滑溜、膚色白淨均勻，都以為我係天生靚肌無可挑剔…..

實情，有苦自己知，老公都知，我係擁有敏感肌底，同大家一樣會紅、會痕、會出敏感粒粒、會嚡會乾，備受困擾；而我不會坐以待斃，更不會避開所有護膚品，而是正面迎戰，下定決心去改善而得來的收成。

結果，也就更加知道你哋需要什麼護膚對策和對的護膚產品，成為實戰型專家！

所以，毋須討厭天生敏感肌底，正面去修正問題，最終會獲益良多。

敏感最令人懊惱之處，係反覆和持續地敏感，時壞而時好，讓你捉摸不到又猜不透，到底想點呀！

例如天氣預告，又再九日連續落雨，香港又開始熱，潮濕就必然，如果稍為抵抗力弱，已經泛紅又出粒。

反覆兼持續敏感有甚麼壞處？

1. 皮膚敏感角質層受損，持續缺水，加速肌膚老化粗糙，超多乾紋。

2. 敏感肌的膚色會較為暗啞泛黃，欠缺光采光澤；如果是濕敏持續部位，更會角質增生變厚和色素沉澱。

3. 毛孔下垂擴大，更容易藏污納垢。

4. 肌膚組織唔健康，欠缺彈性，加速靜態紋出現。

5. 精神上無晒心機，每日被皮膚折磨，出現負面情緒。