大魚頭豬展鴨腎瑤柱腐竹粥

好多人認為：食粥咁清淡，一定健康？食粥減肥？

答案No No No

提提大家：白米煲粥一定唔係健康，更加不能減肥

先來參考升糖指數值，影響血糖：

白飯GI約為75，而白粥GI則達88

所以，糖尿病人忌食白粥；減肥人士食得多仲肥。

［食粥絕對可以健康亦都可以減肥］

Yoko’s tips：「兩個方法大幅減少粥升糖」

～首先，留意米和水比例，水的比例較多，吸收較少碳水化合物，稀粥升糖減低。

～第二，視乎用咩米，聰明智選～高纖維的高營養的，以我這個粥底為例，是極少量日本珍珠米 + 紅糙米、藜麥、16穀（比例大約是3：7），這樣味道好口感好又健康！」

👩🏻‍🍳Yoko超好味健康粥「🥣大魚頭豬展鴨腎瑤柱腐竹粥」

材料：大魚頭、豬展、鴨腎、瑤柱、腐竹、日本珍珠米 + 紅糙米、藜麥、16穀

［煲粥預備要點］

豬展及鴨腎汆水沖洗。

魚頭洗淨後，索乾水用薑汁醃。

瑤柱沖洗後，用暖水浸半小時，留低浸瑤柱水。

日本珍珠米 + 紅糙米、藜麥、16穀 全部沖洗。（我沒有用油撈)

［煲粥過程］

1）凍水落豬展、鴨腎、瑤柱及兩片薑，中大火滾1小時。

2）然後，下全部米和腐竹，以中火再滾1小時。

3）大魚頭後下，最後滾8分鐘。

4）加入蔥和薑絲熄火。