top of page

冬菇絲瘦肉絲高湯炆斑尾

Ys Recipes

讀畢需時 3 分鐘

5月 9

1

0

這幾年的我,日常少吃紅肉與甜食、戒絕汽水和包裝果汁,已經成為習慣無需忍口。以前打邊爐最鍾意食手切肥牛,而家都只係食兩片,都覺得足夠。


好多人都知什麼叫「健康飲食」,計我話,最緊要是做得到和實際可能性,要持之以恆就必須找到「合適自己的健康飲食方法」……以下是我的分享,我呢幾年都係朝着呢個健康飲食去選擇食物,還是我最喜歡的種類,所以非常容易實行,真正食得開心又健康,大家不妨參考:


我喜歡多吃魚(一日食兩款魚)、海產類(我通常係揀蝦)、雞蛋(最鍾意上湯蒸水蛋),還有適量雞肉(鍾意蒸白切雞,蔥油另上;咁就可以蒸雞後飲埋一碗濃縮精華雞湯)。


•全部都係我好鍾意嘅食物種類,以補充優質蛋白質、維生素、礦物質、omega 3。


每天攝取多蔬果(我會食不同顏色蔬菜,菜類和瓜類每日兩至三款;屋企會用魚湯浸菜,間中至食少油蒜頭炒菜)(如果外出都會盡量叫上湯金銀蛋浸菜,避免多油的炒菜和啫啫煲)


•吸收高纖維,幫助腸道免疫健康,排毒通便真係好緊要。


少量堅果做小食(焗製沒有加鹽)。


有咗健康小食,就減少口痕食薯片糖果等。


亦避免因為肚餓,心思思想食魔鬼小食。


•含膳食纖維、維生素、礦物質、好油脂,抗發炎,有助於降低壞膽固醇,潤澤腸道和皮膚


充足水分呢點好重要,幾忙碌都要真係提自己飲嘢(我每日其中兩杯係綠色排毒飲和暖檸檬水);仲有自己煲養生茶(長期冷藏雪櫃翻熱飲用-eg冬瓜薏米水、紅蘿蔔粟米椰果水、龍脷葉枇杷葉天山雪蓮水、粟米馬蹄蔗水等)


經常煲魚湯,間中豬肉湯。


每日分早午晚補充,嚴選適合自己身體和皮膚,每日必需要的營養素;單靠食物補充是不足夠的,一定要配合大廠高效的營養素。


以上為之「Yoko日常飲食組合」,既美味又健康,自然食得開心容易持之以恆;補充所需的蛋白質、礦物質、維生素、抗氧化劑、減少發炎,保護心血管、強肌肉、養卵巢、育肌膚。


「Yoko炆斑尾 超級好味版本」


1)清洗乾淨斑尾,用廚房紙索乾水,撲少少生粉備用。

(記住要打鱗要好乾淨,先至可以食到魚皮,斑尾的魚皮特別厚富含膠原蛋白)

2)先下油、薑片、乾蔥頭、蔥、蒜、少許鹽爆香1分鐘;然後放入斑尾煎香至兩邊金黃色,每邊煎約1分鐘。

3)下「冬菇絲瘦肉絲食譜」,放埋一邊炒香約1分鐘。

4)倒入自家熬製魚湯,份量蓋過斑尾(想方便可以換做史雲生雞湯),滾約8分鐘就完成(用筷子篤下確保熟)。

*可以除喜愛配合蔬菜例如茄子、娃娃菜。


「🌟萬能配搭x健康蒸魚」

Yoko冬菇絲瘦肉絲食譜

以下是教大家蒸魚時鋪在上面的-冬菇絲瘦肉絲好味配搭。


[以下步驟,可以整定多啲,放在雪櫃分餐供兩日使用]

1)(每一條魚,我用3隻乾冬菇)乾冬菇去椗及清洗,浸水2小時(水蓋過冬菇便可)。

2)撈起冬菇再清洗一遍,(步驟1)冬菇水留起備用

3)將冬菇放回冬菇水中,加入適量生粉、少許以下調味料-麻油、糖、蠔油、胡椒粉、鹽。然後切絲。

4)瘦肉清洗後索乾水,切絲,加入適量生粉、少許以下調味料-麻油、糖、蠔油、胡椒粉、鹽。

5)下油爆蒜頭、乾蔥頭、薑、蔥,放入肉絲爆香約1分鐘,然後倒入冬菇絲及浸冬菇水,煮約30秒收水。

6)放涼後,(步驟五)可用作鋪在魚上蒸魚。

蒸魚都要加返薑蔥,味道更好。

Ys Recipes

讀畢需時 3 分鐘

5月 9

1

0

bottom of page