top of page

保養肌膚秘訣 講求自律

Ys Recipes

讀畢需時 3 分鐘

4月 26

3

0

每逢去首爾工作,閨蜜Jo都會帶我吃盡美食,今次發現佢肌膚狀態明顯比三年前更勝一籌,原來改善肌膚有秘訣。

 

護膚秘訣係咩?

去年12月我去首爾,為「Yoko智識型直播」帶讀者直擊熱爆2023’護膚潮物「108神仙泡」嘅生產廠房(重溫韓國連線「Yoko智識型直播」),當然順便探望三年無見的閨蜜Jo,坦白講,佢肌膚狀態和臉龐緊緻度比三年前更勝一籌,我問佢做咗乜嘢,有咩護膚秘訣一定要透露!!

佢開心坦白分享:「我真係同韓國女性一樣,日日都敷mask,非常勤力;而且勤保濕,呢度天氣好乾呀,韓國女性最大問題就係出乾紋!最重要學你話齋,我呢三年落力養生 — 酒戒了,11pm前一定要瞓,同埋學食療。」

我信,她三年來在首爾快活,無甚壓力,加埋養生再戒壞習慣,我肯定,佢戒酒六個月後,皮膚已經突飛猛進,養生三年,年輕十載,我當然替好友高興,共識齊齊為身體健康和肌膚逆齡努力。


2022年12月我去首爾直擊護膚潮物「108神仙泡」生產過程,更順道探望三年無見的閨蜜Jo。

 

自律對護膚有幾重要?

保養肌膚,就算你用最好最名貴的保養品,假如另一邊廂你吸煙 + 飲酒,即係一邊建設但另一邊又破壞,一加一減,打個和?你就想!破壞永遠大過建設的。

就算你唔愛惜佢,都唔好親手破壞佢!

就算揀最好最名貴的保養品,但生活不自律,對皮膚都係破壞大於建設。

 

壞習慣點樣破壞肌膚?


吸煙加速肌膚衰老

煙草的有害成份會破壞皮膚的膠原蛋白和彈性蛋白,抑制骨膠原增生,令肌膚變得鬆弛;而尼古丁亦會令皮膚血管收縮,使肌膚失去彈性。煙草成份同時會減少皮膚的供氧量,使皮膚變得暗黃無光澤又乾燥,容易出現皺紋,加速老化。

酒精傷害皮膚

當你揀護膚品會刻意避開酒精成份,點解仲會容許酒精傷害自己肌膚?過量飲酒,酒精會帶走身體水分,令肌膚缺水乾燥,引致乾紋、皺紋出現;也容易誘發痘痘、炎症、浮腫、微血管破裂致泛紅,加劇敏感症狀。

捱夜皮膚差

或者你會問:我唔煙唔酒,點解皮膚都唔好?少捱夜、釋放工作生活壓力,其實對皮膚都好重要。捱夜會令體內自由基增加,肌膚代謝速度減慢,加速老化;捱夜也會刺激油脂分泌,容易阻塞毛孔引致痘痘帶爆發。

即使你唔護膚,都唔好破壞肌膚,膚質自然無咁易蒼老。想皮膚靚,自律真係好緊要。

 

運動唔只係瘦身紓壓好方法,其實也有護膚功效,但維持恆常運動都好需要自律喔。

 

護膚好習慣 – 運動

除咗戒壞習慣,培養好習慣對護膚、對健康、對紓緩壓力亦有莫大裨益,而且同樣亦講求自律。恆常運動不但可瘦身,其實仲係非常好嘅護膚習慣,不過經常被人忽略咗。

促進血液循環

運動流汗不但可以排毒燒脂,更重要是促進血液循環及新陳代謝,改善暗沉、色素沉澱等問題,令皮膚有光澤,煥發健康氣息。

延緩肌膚老化

運動有助減少自由基,加強肌膚抗氧化,延緩老化;更可以平衡肌膚免疫力,維繫健康肌膚。

不妨從簡易運動著手,每日15分鐘,就算唔多鍾意做運動嘅我,都可以輕鬆達標。行15分鐘跑步機,keep住強身美肌,想知有幾簡單?即睇下我嘅簡易運動日常

Ys Recipes

讀畢需時 3 分鐘

4月 26

3

0

bottom of page